قصيدة أم لولدها بعد ان وضعها في دار العجزة {حزينة جدأأ}

من طرف طيف الجمعة يناير 09, 2009 12:15 am

السلام عليكم ورحمة الله وبركاتة
اخواني واخواتي,,,,
شخبااااااااركم شوفوا جبتلكم
هالقصيده اللي تقطع القلب والصراحة من يتعمق في القصيدة يبكي وانا بكيت

تقول فيها الأم:

وين انت يا حمدان امـك تناديـك **** وراك ما تسمـع شكايـا وندايـا

يا مسندي قلبي على الدوم يطريـك*** ما غبت عن عيني وطيفك سمايـا

هذي ثلاث سنين والعيـن تبكيـك**** ما شفت زولك زاير يـا ضنايـا

تذكر حياتي يوم اشيلك واداريـك**** والاعبك دايـم وتمشـي ورايـا

ترقد على صوتي وحضني يدفيـك**** ما غيرك احدٍ ساكن فـي حشايـا

واليا مرضت اسهر بقربك واداريك ***ما ذوق طعم النوم صبح ومسايـا

ياما عطيتك من حنانـي وبعطيـك**** تكبر وتكبـر بالأمـل يـا منايـا

لكن خساره بعتني اليـوم وشفيـك ****واخلصت للزوجه وانا لي شقايـا

انا ادري انها قاسيـه مـا تخليـك**** قالت عجوزك مـا ابيهـا معايـا

خليتني وسط المصحه وانا ارجيك*** هذا جزا المعروف وهذا جزايـا

يـا ليتنـي خدامـة بيـن اياديـك ****من شان اشوفك كل يوم برضايـا

مشكور يا ولدي وتشكر مساعيـك*** وادعـي لـك الله دايـم بالهدايـا

حمدان يا حمـدان امـك توصيـك*** اخاف من تلحق تشوف الوصايـا

اوصيت دكتور المصحه بيعطيـك*** رسالتي واحروفهـا مـن بكايـا

وان مت لا تبخل علـي بدعاويـك*** واطلب لي الغفران وهذا رجايـا

وامطر تراب القبر بدموع عينيـك*** ما عـاد ينفعـك النـدم والنعايـا

الله الله ياشباب ويابنات بطاعت الوالدين >الجنة تحت اقدام الامهات<

قصيدة أم لولدها بعد ان وضعها في دار العجزة {حزينة جدأأ} 0d29c6eae5139f499565065343b6ca8e

قصيدة أم لولدها بعد ان وضعها في دار العجزة {حزينة جدأأ} 0d29c6eae5139f499565065343b6ca8e

من طرف **زيت وزعتر** الثلاثاء مارس 29, 2011 12:51 pm

اكيد انها الجنه تحت اقدام الامهات
تقبلي مروري
دمتي بود
مشكوره موضوع حلو

قصيدة أم لولدها بعد ان وضعها في دار العجزة {حزينة جدأأ}

قصيدة أم لولدها بعد ان وضعها في دار العجزة {حزينة جدأأ}

رد: قصيدة أم لولدها بعد ان وضعها في دار العجزة {حزينة جدأأ}