اسرار الرجال

هناك عدة أسرار للرجال التي قد يتصرفون بها تضايق الجنس الاخر ، والنهارده أنا فضحتكو عشان محدش من البنات يستخبى عليها حاجة لو شافت التصرف ده ..

1. المرأة يعذبها اوي صمت الرجل ، لانها ماتعرفش ليه بيسكت وبيعيش حالة من الصمت الفظيع ، عشان المرأة بتصمت لما تكون محبطة أو حزينة أو غاضبة أما لما بترتاح فبتثرثر

اللي حواء متعرفوش..

أن سكوت الرجل وصمته بيكون ببساطة عشان معندوش حاجة يقلها ، ودي الحالة الطبيعية ، والمرأة تحاول ان تاخده بالكلام عشان لو سكتت هتكون مستنية منه سؤال : ساكتة ليه؟
ساعتها هتسأله أسئلة كتير لحد مايزهق ويحس انه فتحقيق ، ف هيحتارعلى الرد على اسئلتها لانه معندوش حاجة يقلها ، عشان كده على حواء أنها لما تشوف الحالة دي على ادم ان تفتح موضوع ادم بيحبه بطريقة سلسة وناعمة بس تبتعد عن الاسئلة في الحالة دي .

2.بتقدم حواء لأدم كتير ولما تيجي تطلب منه حاجة يزعقلها ويقول مش هقدر انفذلك الطلب ده فوشها ، مع ان الطلب تافه اوي.

اللي حواء متعرفوش ...

أن الرجل شديد التركيز في اللي حواليه ، واي تشويش يثير أعصابه حتى لو بيحب المراة دي ، عشان كده لازم حواء تتجنب انها تطلب منه أي حاجة حتى لو تافهة لو شافته مشغول بحاجة تانية خالص حتى لو تافهة.

3. تستغرب المرأة من الرجل على عصبيته في ( السوق ) هو عايز يخلص بسرعة بسرعة والست هانم على مهلها خااااااااالص ، ومعظم الاحيان ( التسوق = مشاكل )

اللي حواء متعرفوش ..

ان التسوق مش مشكلة عند الرجل وانما كثرة الناس البياعين والكلام بيشوشه ، انما هي عادي جدا بتحب التنوع والزحمة عشان كده مبتفهمش عصبيته ليه وتقول ماله ده ؟ وللمعلومات ياجماعة ان المراة تقدر تتكلم في التليفون وماسكة طفلها وبتحضر طبق العشا بكل سهولة ، انما الراجل لو حصل كده يبقى بالنسبة له تعذيب ويحس انه فجوانتنامو يغني ظلموه وحرام عليك !!

4. أحيانا بدون اي مشاكل وبدون تقصير من المرأة تلاقي الراجل متعصب وفظ وعايز يعمل مشاكل وخلاص عشان يطلع من البيت والمراة تستغرب ولكن لما يهدى ابو الشباب ويرجع البيت وعادي جدا كان حاجة محصلتش بس المرأة تستنى منه انه يعتذر وهو مش فاهم مالها بتعامله بكل قسوة وعصبية وعجرفة وليه بتكون متعصبة والامور بتزداد سوءا

اللي حواء متعرفوش...

أن الرجل بيمر بدورة عاطفية ولابد منها وإلا ( اتخنق وهو حي !! ) ، وبيمر بحاله فقد الاتزان وبيكون عايز يفضل لوحده شوية ، يخش الكهف بتاعه او العالم بتاعه ويقعد لوحده والويل للي هيقربله ، وبعد ماتنتهي فترة الانطوائية دي بعد 3 اربع ايام يرجع بكل الحب والشوق لحبيبته ، اللي هو مش فاهم ليه هي متعصبة ومتغيرة ، ولما بيدخل الرجل كهفه تلاحقه المرأة عشان تعرف ماله ظنا منها انه بسببها متغير مزاجه وملاحقتها تزيده انسحابا ، فعلى حواء أنها تسيبه لحد مايطلع من الجو بتاعه ، وتستقبله بحب وحنان لانه كان محتاج العزلة والانطوائية دي .


وطبعا الكلام ده مش منطبق على كل الرجال بس ده الغالب ومش هيفيد الانكار!ّ!

مع محبتي


التوقيع